للصيدليات

ما تنساش حتى
تجديد علاج.

MediTrack يحفظلك ملف كل مريض، يحسبلك آخر أجل تاع العلاج، ويفكّرك قبل ما يفوت الوقت.

حمّل ملف APK شوف المميزات

Android 7.0 ولا أحسن · تثبيت مباشر (APK)

مثال توضيحي

المريض A Metformine فات الأجل · تجديد مستعجل

المريض B Amlodipine بقاو 7 أيام

80 يوممدة المتابعة المطبّقة على كل علاج

10 أيامقبل الأجل يبان التنبيه

4 627دواء في الدليل لي داخل التطبيق

كيفاش يخدم

ثلاث خطوات، وما تحسب والو.

تكتب العلاج مرة وحدة، والتطبيق يدير الباقي.

دير ملف المريض

الاسم، اللقب، السن، رقم التيليفون، نوع التأمين (Cnas، Casnos، عسكري، آخر)، وبعدها الأدوية مع تاريخ بداية العلاج.
التطبيق يحسب الأجل

MediTrack يطبّق قاعدة الـ 80 يوم على كل علاج، من تاريخ البداية.
يجيك التنبيه

يبان التنبيه 10 أيام قبل الأجل، ويولّي «مستعجل» إذا فات الوقت. وتتّصل بالمريض بضغطة وحدة.

المميزات

لي تحتاجه الصيدلية كل يوم.

ملفات المرضى

قلّب بالاسم، بنوع التأمين ولا بالدواء. عدّل وامسح في لحظة.

تنبيهات التجديد

مستويين: «قريب» و«مستعجل»، مع عدد الأيام لي بقاو لكل دواء.

التعديل من التنبيه

اضغط على التنبيه وتفتح لك ملف المريض مباشرة باش تعدّله، بلا ما تقلّب عليه في القائمة.

دليل الأدوية

قائمة الأدوية المسجلة في الجزائر: قلّب بالاسم، بالمادة الفعّالة (DCI) ولا بالمخبر، فرز حسب التعويض، والسعر ظاهر.

تذكير يومي

إشعار واحد كل نهار يلخّصلك عدد التنبيهات لي راهم مفتوحين، منهم المستعجلين.

نسخة احتياطية

صدّر ملفاتك في ملف واحد، وردّهم وقت تحتاج. الملفات لي راهم كاينين من قبل ما يتعاودوش.

التحميل

ثبّت MediTrack في تيليفونك Android.

MediTrack تحمّلو مباشرة من هذا الموقع، في شكل ملف APK. والتحديثات كذلك تتدار من هذه الصفحة.

حمّل ملف APK

Android 7.0 ولا أحسن · تثبيت مباشر (APK)

حمّل ملف MediTrack.apk.
افتحو. إذا Android طلب منك، سمح للمتصفح تاعك يثبّت التطبيقات (الإعدادات > «تثبيت تطبيقات غير معروفة»).
تحذير من Google Play Protect؟ هذا عادي لتطبيق ماشي من Play Store: اضغط «مزيد من التفاصيل» وبعدها «تثبيت على أي حال».
افتح MediTrack وأنشئ حسابك.

معلوماتك

حساب واحد، وملفاتك معاك في كل بلاصة.

الدخول بالإيميل وكلمة السر.
الملفات تتحفظ أونلاين ومربوطة بحسابك: كي تبدّل التيليفون تدخل بنفس الحساب وتلقاهم.
تقدر دير نسخة احتياطية في أي وقت من الإعدادات.

أداة مساعدة، ماشي بديل

MediTrack يسهّل المتابعة والتذكير. ما يعوّضش حكم الصيدلي، لا الوصفة، ولا قوانين التسليم المعمول بيها.

التنبيهات مبنية على قاعدة الـ 80 يوم من تاريخ البداية لي تكتبه: يعني دقة المتابعة تتعلق بالتواريخ لي تدخلهم.

من نحن

مشروع عائلي.

MediTrack من صنع DIB Wissem ومعاه ماماه، Soumia Terki Hassaine Dib، صيدلانية.

للتواصل: dibwissem7@gmail.com

DIB Wissemالتصميم والبرمجة

Soumia Terki Hassaine Dibصيدلانية

تجديد منسي، يعني مريض بلا علاج.

MediTrack تحميل مباشر لتيليفونات Android.